Siglir tar il cuntegn

Header

cuntegn

Reintroducir surmiran Avunda suttascripziuns cunter rumantsch grischun en scola

Mesemna saira vegn inoltrada tar la vischnanca Surses l’iniziativa, che pretenda da reintroducir l’idiom surmiran en scola populara. Dapi l’onn da scola 2007/08 vegnan ils uffants dal Surses scolads en rumantsch grischun.

Sco quai che Simon Bergamin, il pledader da l’iniziativa, di hajan ins ussa suenter 180 suttascripziuns smess da rimnar suttascripziuns, era sch'i saja pussaivel da chattar anc dapli aderents da l’iniziativa.

Cun quai che la constituziun da la vischnanca da Surses pretenda mo 100 suttascripziuns, saja il dumber necessari grond avunda, ha ditg Bergamin. En ina pitschna enquista che RTR ha fatg davant la scola hai dà vuschs pro e contra, ma dapli dals dumandads han ditg ch’els beneventian l’iniziativa.

audio
Saira: Opiniuns davart l’iniziativa Surmiran
ord Actualitad dals 28.05.2019.
laschar ir. Durada: 3 minutas 41 Secundas.

Il president communal da Surses Leo Thomann vesa intgins problems, sch’ins stuess reintroducir surmiran en scola. Uschia pudessi tenor el per exempel daventar pli grev da chattar magisters en l’avegnir, cunquai che quels stuessan discurrer surmiran. Cun il rumantsch grischun saja oz pli simpel da chattar persunal.

RR actualitad 17:00

Artitgels legids il pli savens