Siglir tar il cuntegn

Header

cuntegn

Ressort Surses Alpin Stagiun auta è gia vendida ora

Il ressort da vacanzas da Savognin ch’ha radund 70 abitaziuns da vacanzas, è gia vendì ora durant la stagiun auta da stad. Quai ha ditg Otmar Netzer, il nov administratur dal ressort da vacanzas.

Dapli che 90% da las reservaziuns sajan giasts Svizzers. Igl haja però bain era singulas reservaziuns da l’ester, per exempel da l'Ollanda e da l’Ungaria. Cun quai ch’i n’è betg anc cler cura ch’ils cunfins avran per quests pajais hajan ils clients la pussaivladad d'annullar gratuitamain lur vacanzas enfin set dis avant il termin da vacanzas, ha ditg Otmar Netzer.

Gia vendì ora sajan ins a partir da mez fanadur fin l’entschatta avust. Ins n'haja nagins contingents pli, uschia ch’ins haja schizunt stuì bloccar l’access sur ils differents partenaris or per quest temp. Tut en tut quinta l’administratur dal Surses Alpin cun ina stad circa en il rom da l’onn passà, sch’i na dettia betg anc ina segunda unda dal coronavirus.

RTR actualitad 08:00

Artitgels legids il pli savens

Scrollar a sanestra Scrollar a dretga