Siglir tar il cuntegn

Header

Navigaziun

cuntegn

Grischun Central Retica: transports cun camiuns enstagl cun tren

Dapli che la mesadad dals 115 tunnels da la Viafier retica (VR) ston vegnir sanads ils proxim onns. Per sanar il tunnel da Mistail èn ils elements da betun vegnids transportads cun camiuns al lieu e betg cun tren. Ina decisiun dal furnitur dals elements argumentescha la VR. I funcziunass er auter.

Legenda: Tadlar il audio Mezdi: Viafier retica – Transports da material cun camiun. Durada 04:24 minutas.
04:24 min, Actualitad dals 15.02.2019.

Il smirvegl è stà grond ils ultims mais en la regiun da Casti. Per sanar il tunnel da Mistail èn ils elements da betun vegnids cun camiun e betg cun il tren. Il furnitur dals elements, la firma Fanger cun sedia a Sachseln ha tenor infurmaziuns dal post da medias da la Viafier retica fatg uschia 168 chargias da camiun.

I va er auter

Il tunnel da Mistail è il terz tunnel che vegn sanà tenor la «moda da construir normala» cun elements da betun. Per il tunnel da Glatscheras e Sasslatsch I èn ils elements da betun vegnids transportads cun il tren al lieu. Per Sasslatsch èn ils elements vegnids producids a Trimmis tar la firma TBA, là sa chattava er il deposit e cun il tren èn ils elements vegnids transportai mintgamai al lieu. Per il tunnel da Glatscheras ha la firma Fanger transportà ils elements enfin a Landquart e da là davent cun il tren.

RR actualitad 12:00