Propi schlantsch han las discussiuns survegnì la primavaira da quest onn, cura ch’èn vegnids fixads ils termins da votaziun. Era sche tschertas persunas avessan giavischà ina votaziun a l’urna, è la fin finala vegnì decidì a las radunanzas communalas.
- L’entschatta ha fatg la radunanza communala da Surses la fin da fanadur, nua ch’igl ha dà in cler resultat a favur da l’idiom.
- In mais pli tard han lura era las votantas ed ils votants da Lantsch ed Albula/Alvra decidì da returnar tar il surmiran.
Ils emprims scolars che vegnan instruids en l’idiom, èn ils uffants da l’emprima classa che cumenzan l’onn da scola l’avust dal 2021.
