Siglir tar il cuntegn

Header

audio
Revistas 2019: Brinzauls - in vitg en moviment
Or da Actualitad dals 26.12.2019.
laschar ir. Durada: 3 minutas 19 Secundas.
cuntegn

Revistas: Bova da Brinzauls Brinzauls – in vitg en moviment

L’onn 2019 è stà in onn intensiv per ils abitants da Brinzauls e conturn. Il «rutsch», sco ch’el vegn numnà dals indigens, fa vinavant gronds quitads, ed il privel d’ina bova pli gronda daventa adina pli grond.

  • Il matg vegn la populaziun infurmada, che la vischnanca da Brinzauls è ruschnada bun dubel uschè ferm sco l’onn avant (in meter, enstagl in mez meter). Er il grip sur il vitg sa mova cun dus fin quatter meters ad onn. Ils responsabels fan quint ch'ina bova pli gronda pudess sa distatgar il proxim temp u ils proxims onns.
  • Il zercladur vegn preschentà il plan d’evacuaziun. Pertutgads n'èn betg mo ils abitants da Brinzauls, mabain er ils abitants da Casti, Surava, e Vazerouls.

  • L’avust sa distatga in crap da 100 tonnas sin la muntogna sut las aclas da Propissi. Il crap ha traversà la via chantunala a Brinzauls ed è sa fermà betg lunsch davent da l’anteriura scola.

  • Il november infurmescha il chantun, ch’el vul gidar la vischnanca d'Alvra uschè bain sco pussaivel – saja quai cun daners u cun agid da persunal necessari.

  • Il december decida il Cussegl grond ina nova pratica tar la segiranza d’edifizis dal Grischun. Sch’in bajetg vegn donnegià perquai ch’il terren glischna permanentamain, paja la segiranza da nov quai. Enfin ussa eran ils bajetgs mo segirads tar bovas spontanas.

RR actualitad 17:00

Artitgels legids il pli savens