Siglir tar il cuntegn

Header

Navigaziun

Legenda: Tadlar il audio Bunura: Roger Federer e sia relaziun tar il Grischun. Durada 02:28 minutas.
Or da Actualitad dals 20.04.2019.
cuntegn

Grischun Central Roger Federer ed il Grischun

Roger Federer sa senta da chasa en il Grischun. La colliaziun cun sia «nova» patria ha el mussà cun regalar a Churwalden ina rudelera gronda. Ussa ha er el gì peda da visitar il termagl surdimensiunà.

Cun la regiun da Valbella ha Roger Federer ina relaziun tut speziala. Tras amis è el avant blers onns vegnì en il Grischun Central ed ussa, cun sia atgna famiglia sa senta el da chasa en Grischun. La natira, la quietezza, il pudair esser per sasez e tuttina esser manaivel da citads grondas e specialmain il caracter grischunais plaschan fitg bain ad el.

Dar enavos insatge

Cun sia «Roger Federer Foundation» haja el ussa pudì dar enavos insatge a sia nova patria. La rudelera surdimensiunada da l'artist Stefan Grünenfelder ch'è vegnida averta l'atun passà a Churwalden e che Roger Federer ha finalmain pudì visitar ussa persunalmain, saja in termagl ed in lieu ch'el vegnia er en futur a visitar, ha el ditg en rom d'ina pitschna avertura.

RR actualitad 08:00