Essend Rona sin in'autezza sur mar da 1’400 meters, saja la topografia ideala per realisar in center nordic. Il traject che vegn da nov ennevà artifizialmain è trais kilometers lung. Il project prevesa era da far naiv a Savognin sin in traject da 1,5 kilometers. Da sclerir èn il mument anc dumondas da dretg per manar auter la loipa.
Il credit da 1,3 milliuns francs ch’il suveran da Surses ha approvà glindesdi saira cumpiglia era ina maschina da preparar loipas, diversas punts, in simpel bajetg ed ina garascha, sco era in chanun da far naiv. Tut las lavurs duessan esser finidas en trais onns.
RR actualitad 12:00