Enturn las 11:45 la dumengia a mezdi, han ins constatà che la part davos da la stalla a Rona haja ars. Las flommas hajan plinavant er pudì ir vi sin in auto da persunas dasperas, scriva la Polizia chantunala en ses rapport. En il decurs èn lura la stalla e l'auto ids si cumplettamain en flommas.La famiglia e gidanters han lura sez pudì salvar las chauras ch'eran en la stalla.
En acziun èn stads ils pumpiers dal Surses ed Alvra. Ins ha er clamà in care team per las persunas pertutgadas. Il donn material na possian ins actualmain betg decifrar. La Polizia chantunala sclerescha ensemen cun la procura publica l'andament da l'incendi.