Tar in accident capità venderdis sin l'autostrada A13 a Rongellen èn trais persunas sa blessadas levamain. Ina manischunza da 76 onns è sviada en in tunnel sin il vial oppost e collidada cun in auto che vegneva encunter, e silsuenter cun la paraid dal tunnel. L'auter auto è lura era vegnì sin il vial oppost e saja lura anc collidà cun in ulteriur auto. Quai communitgescha la Polizia chantunala.
L'autostrada è stada bloccada durant duas uras e mesa. La polizia a svià il traffic sin la via chantunala, e retegnì il traffic da camiuns pesants.