Runals da Beiva cun meglras cifras che spetgà

L’onn da gestiun 2016/17 han ils Runals da Beiva SA augmentà la svieuta e gì dapli emprims giasts. E la summa da las pajas è vegnida augmentada, sco l’Agentura da Novitads Rumantscha ANR scriva.

In skiunz sin ina pista Bild in Lightbox öffnen.

Legenda da maletgs: Malgrà che la naiv ha mancà l'entschatta da l'enviern passà, han ils Runals da Beiva lavurà pli bain che spetgà. MAD

Cun ina summa da 964’648 francs han ils Runals da Beiva SA fatg 83’000 francs dapli svieuta che l’onn da fatschenta avant. Ils custs dals emploiads èn s’augmentads per passa 17% sin 446’586 francs. Quai saja d’attribuir a la lavur supplementara en connex cun la realisaziun da novs indrizs da far naiv, argumenteschan ils Runals da Beiva.

L'interpresa ha realisà in cash flow da 141’000 francs e fatg amortisaziuns da 127’000 francs. Uschia resulta in pitschen gudogn da 1’324 francs suenter avair tratg giu las taglias.

Tar ils emprims skiunzs han ils Runals da Beiva nudà in augment da 12%, total han ins dumbrà 37’061 persunas.

RR novitads 06:00