Salouf - 15 decennis chor viril – i vegn fatg festa
La fin d’emna dals 21 e 22 da matg festivescha il Chor viril Salouf ses giubileum da 150 onns. Il punct culminant da la festa è la sonda saira. I dat in concert da gala dal Chor viril da Salouf, plinavant sa preschenta il Chor d’uffants La Bargeda e l’ensemble vocal incantanti.
Dapi in onn han ins planisà ed organisà, ha ditg Roland Capeder, il dirigent dal Chor viril da Salouf e manader dar comité d’organisaziun. Ditg saja stà intschert sch’ins possia insumma realisar questa festa da giubileum pervi da la pandemia. Ma ussa sajan tuts cuntents, ch’il chor, ils envidads e l’entira vischnanca possia festivar il giubileum da 15 decennis.
Dumber da chantadurs è sa sminuì
Il Chor viril da Salouf dumbra actualmain 25 umens. L’onn 1967 aveva il chor anc 45 chantadurs, è da leger en il pled da bainvegni dal program festiv.
Legenda:
Roland Capeder, il president dal comité d'organisaziun da la festa 150 onns Chor viril Salouf.
Federico Belotti
