Siglir tar il cuntegn
Inhalt

Grischun Central Sanaziun gronda A13 Valragn in pass enavant

Valragn è puspè cuntanschibel per ils automobilists che vegnan dal sid. Era ils autos da posta ferman uss puspè tenor urari. En tut vegnan investids 50 milliuns francs en il conturn da Valragn durant ils onns 2017 fin 2021.

Questa punt è vegnida sanada durant la stad, uschia che la sortida Valragn è puspè averta.
Legenda: Questa punt è vegnida sanada durant la stad, uschia che la sortida Valragn è puspè averta. RTR, Federico Belotti

Questa stad è vegnida sanada la punt sur l’autostrada da Valragn, scriva l'Uffizi federal da vias en ina communicaziun. Quellas lavurs sajan uss a fin, uschia che la sortida per quels che vegnan da San Bernardino e van a Valragn pon puspè duvrar la sortida. Era ils autos da posta da San Bernardino en direcziun Tusaun ferman uss puspè a Valragn.

Via empè d'ina punt

L’onn proxim vegn fatg da nov il trassé da l’A13 a Valragn, e la fin da la stad vegn allontanada la veglia «Dorfbachbrücke». Empè da remplazzar la punt ch’ha ina lunghezza da 160 meters, datti sin quest traject da nov ina via empè d’ina punt. Il spazi sut la punt è gia vegnì emplenì cun material. Plinavant vegn a Valragn era anc renovada la sortida per quels che vegnan dal nord a Valragn. La sanaziun totala da l’A13 en il conturn da Valragn duai esser terminada l’onn 2021.

RR novitads 20:00