Siglir tar il cuntegn
Inhalt

Grischun Central Savognin: Accident cun tractor

Grond cletg per in pur a Savognin: Suenter ch’el è vegnì giu da la via cun ses vehichel agricul è quel cupitgà pliras giadas e sa fermà radund 50 meters pli bas sin las rodas. Il pur è vegnì blessà mo levamain.

Il vehichel che ha gì l'accident entamez las plantas.
Legenda: Fortuna en la disfortuna per in pur giuven sa Savognin. Polizia chantunala
La via nua ch'il pur ha bandunà la via.
Legenda: Qua è il pur vegnì giu da la via. Polizia chantunala

Tenor indicaziuns da la Polizia chantunala era il pur da 22 onns sin viadi da l’Alp Nassegl en direcziun da Savognin. Tar l’accident è il pur sgulà or dal tractor. El ha dentant pudì chaminar sezs fin si tar la via.

Passants ch’han vesì l’accident han alarmà l’ambulanza. En’acziun è era stada la Rega, ch’ha sgulà il blessà en l’Ospital chantunal a Cuira, sco la Polizia chantunala scriva.

RR novitads 12:00