L’intent da las Pendicularas da Savognin è da porscher a tuts che dattan a tschains lur abitaziuns da vacanzas la chaschun da s’occupar pli pauc cun la reservaziun, nettegiar, surdar e puspè surpigliar l’abitaziun.
L’enviern proxim ins fetschia quai cun agen persunal, cun excepziun da nettegiar las abitaziuns, ha ditg Christian Prinz, il directur administrativ da las pendicularas. Quai fetschia ina firma spezialisada da Cuira. Las Pendicularas da Savognin collavureschan cun l’organisaziun svizra «Interhome». Il nov servetsch vala per Cunter e Savognin.
Nagina concurrenza per il turissem
Sco quai che la manadra da fatschenta da Savognin Turissem Tanja Amacher di, beneventian els la nova purschida, era sche Savognin Turissem pudess perder in per clients. Il pli impurtant saja da carmalar tanta glieud sco pussaivel en la regiun, uschia Tanja Amacher.
RR actualitad 07:20