Siglir tar il cuntegn

Grischun Central Savognin Bivio Alvra vegn onurà

Il «Swiss Holiday Home Award» da e-domizil onurescha prestaziuns extraordinarias dad organisaziuns svizras da turissem en il sectur abitaziuns da vacanzas. La destinaziun Savognin Bivio Alvra è vegnida sin il segund plaz.

La pagina d'internet da la destinaziun Savognin Bivio Alvra.
Legenda: La pagina d'internet da la destinaziun Savognin Bivio Alvra. mad

En tut èn vegnidas testadas 20 destinaziuns svizras. Tranter auter è vegnì valità quant simpel ch’igl è da far reservaziuns sin la pagina d’internet, e quant bain che dumondas da giasts vegnan respundidas. La regiun Savognin Bivio Alvra haja persvadì cun lur auta qualitad da cussegliaziun, scriva Savognin Turissem en ina communicaziun. Plinavant saja quai simpel da navigar sin la pagina d’internet da Savognin e da far reservaziuns. Il Swiss Holiday Home Award vegn surdà da la plattafurma d’online «e-domizil», quai en cooperaziun cun la scol’autoa da la svizra romanda HES-SO e sut il patrunadi da l’uniun da turissem Svizzer STV.