Siglir tar il cuntegn

Header

cuntegn

Grischun Central Savognin fa las medaglias austriacas

La squadra naziunala austriaca trenescha avant ils Campiunadi mundials 2017 da San Murezzan sin las pistas da Savognin.

Per la directura da Savognin, Bivio, Alvra turissem Tanja Amacher èn ils skiunz austriacs la meglra reclama pussaivla: «Uschia vegnan televisiuns e gasettas a Savognin e rapportan or da la regiun», è Amacher cuntenta. «Ina reclama gratuita e nunpajabla.»

audio
Mezdi: CM skis 2017 S. Murezzan - Austria fa reclama per Surses
ord Actualitad dals 22.11.2016.
laschar ir. Durada: 2 minutas 44 Secundas.

Pussaivel è quel trenament grazia als possessurs austriacs da las Pendicularas Savognin, ch'han buns contacts cun la Federaziun austriaca da skis. Quants dis e durant tgenin temp ch'ils austriacs e las austriacas da tut las disciplinas vegnan a trenar sin las pistas FIS da Savognin n'è anc betg sclerì dal tut.

Savognin, Bivio Alvra turissem vegn durant il campiunadi mundial da skis alpin a far dapli reclama e nizzegiar il traffic supplementar tras la val per far attent sin il territori da skis.

La directura da Savognin, Bivio, Alvra turissem Tanja Amacher sa legra sin ils austriacs a Savognin.
Legenda: La directura da Savognin, Bivio, Alvra turissem Tanja Amacher sa legra sin ils austriacs a Savognin. mad

Artitgels legids il pli savens