Otavio Cavegn da Savognin ch’è stà blers onns schef-cuschinier dal Hotel da famiglia Bela Riva a Savognin ha midà sia professiun. Cun sia manufactura Capricorn vegn el a producir diversas spezialitads da pasta e capuns. Ils 24 da schaner avra sia butia visavi da la scola primara da Savognin.
Suenter esser stà 30 onns cuschinier haja el vulì empruvar ora insatge da nov, ha ditg l’um da 48 onns che deriva da Sedrun ed è creschì si a Savognin suenter ch’el ha gì nov onns. El saja persvas, ch’el vegnia ad avair success cun sia nova manufactura. Quella maina el ensemen cun sia partenaria. La gronda part dals products duess vegnir vendida en la butia che sa chatta gist sper la manufactura. La pasta da la manufactura Capricorn duess però era chattar la via en butias da la regiun ed en la gastronomia.
audio
Manufactura Capricorn producescha pasta a Savognin
03:08 min, ord Actualitad dals 10.01.2022.
laschar ir. Durada: 3 minutas 8 Secundas.
Pitschen e bun duess l’affar esser di Otavio Cavegn, e quai cun products d’auta qualitad, sche adina pussaivel cun products da la regiun. Dals purs da Salouf Marina e Rolf Sennhauser-Wismer ha Otavio Cavegn gia cumprà passa 500 kilogramms semulina da furment cun il label da bio demeter.
1 / 5
Legenda:
Era capuns vegnan producids en la manufactura a Savognin.
RTR, Federico Belotti
2 / 5
Legenda:
In per dals pachets che Otavio Cavegn producescha en sia manufactura.
RTR, Federico Belotti
3 / 5
Legenda:
Otavio Cavegn maina la nova manufactura Capricorn a Savognin.
RTR, Federico Belotti
4 / 5
Legenda:
La manufactura è pronta per la producziun.
RTR, Federico Belotti
5 / 5
Legenda:
Bainprest avra era la butia da la manufactura.
RTR, Federico Belotti
