Siglir tar il cuntegn

Header

video
Mustér e Savognin cumbattan oz per la victoria en l’emissiun Donnschtig-Jass
Or da sil punct dals 26.07.2018.
laschar ir. Durada: 2 minutas 42 Secundas.
cuntegn

Grischun Central Savognin gudogna il duel da «Donnschtig-Jass» cunter Mustér

Gievgia saira han giugà Savognin cunter Mustér en l’emissiun da jass da la televisiun svizra SRF, emessa live da Oberrieden en il chantun Turitg. Cunquai ch'ils da Savognin han triumfà vegn la proxima jassada emessa da Savognin.

Durant il program da stad da SRF giogan mintg’emna dus vitgs or dal medem chantun a chartas, quai tenor il jass da la differenza, en tudestg il Differenzler-Jass. Tgi che gioga mintgamai en l’emissiun Donnschtig-Jass è vegnì decidì en ina concurrenza da qualificaziun.

audio
Saira: Duel grischun da jass a la televisiun – Savognin cunter Mustér
ord Actualitad dals 26.07.2018.
laschar ir. Durada: 2 minutas 35 Secundas.

Ils jassists da Savognin han trenà ditg

A Savognin èn stads da la partida Ignaz Plaz sco candidat al telefon, ed Urs Amstutz ha giugà al lieu en la tenda da jass cun ils concurrents, cun l’arbiter Reto Scherrer ed il moderatur Roman Kilchsperger. Medemamain han giugà Teresina Krüger-Luzio sco meglra dunna da la qualificaziun, e Renato Netzer sco il meglier jassist giuven. Sco um da reserva è nominà Conrad Plaz. El ha fatg il plan per trenar per la gronda saira dal «Donnschtig-Jass». Cumenzà ha il trenament gia l’entschatta da matg. Il davos trenament suenter 12 giadas è stà mardi passà, RTR ha visità l’ultima saira da trenar.

La squadra da Mustér

Sco meglra dunna è Jacinta Jacomet stada da la partida per Mustér en l'emissiun, Giulian Venzin è cun ses 12 onns il meglier jassist giuven. Clau Jacomet è stà al telefon e Benjamin Schuoler è stà en la tenda da jass. RTR ha accumpagnà ils jassists da Mustér sin in toc da lur viadi en la Bassa.

Cologna giast da la proxima emissiun

En l’emissiun dals 2. d’avust ch'è a Savognin, è tranter auter preschent il passlunghist Dario Cologna. Sin tribuna vegnan a chantar Melissa Naschenweng, la chantadura da schlaghers austriaca, e la furmaziun Angelo Kelly & Family da la Kelly Family ch’ha gì ses pli grond success ils onns 90.

RR actualitad 17:00

Artitgels legids il pli savens