Concurs na saja l'hotel betg, uschia Rudolf Tucek, il president dal cussegl d’administraziun da la S1 Hotelerrichtungs AG, che posseda e maina l'hotel. La situaziun actuala cun la varianta omicron dal coronavirus fetschia il mument anc adina gronds quitads. Ina reavertura dependia da tants facturs betg previsibels. I valia dad avair pazienza e da spetgar, uschia Tucek. Pussaivel saja da puspè avrir l'hotel la stad.
Persunal ha chattà ina plazza nova
Sco che Rudolf Tucek ha ditg, haja la directuura dal hotel gidà al persunal da chattar ina nova plazza. Quantas persunas ch’èn stadas pertutgadas n’ha el betg pudì dir. Ma tuts hajan chattà ina nova occupaziun. Il hotel Cube haja resguardà tut ils termins da desditga tenor ils contracts.
Famas da concurs
Las famas che curseschan il mument che l'hotel saja concurs, ha Tucek negà. L'hotel na saja insumma betg concurs. Quai ha era confermà l’uffizi da concurs da la Regiun Alvra. In concurs da la S1 Hotelerrichtungs AG na saja betg vegnì avert, ha l’uffizi ditg sin dumonda da RTR.
