L’ustier Piero Savoldelli (65) ha manà l’hotel ensemen cun sia partenaria Magdalena Moscariello. La fin da mars serra l’hotel sias portas, la reavertura è planisada sin la fin da zercladur da quest onn. Sco quai ch’il nov ustier e cuschinier Mirco Gruber (44), ch’è creschì si a Savognin, ha ditg envers RTR, veglia el persvader la clientella cun ina cuschina tradiziunala e frestga. En l’avegnir veglia el renovar l’immobiglia, per il mument na dettia però anc nagins plans concrets. Gruber ha tranter auter lavurà sco schef cuschinier en il Romantic Hotel Stern a Cuira, ed ha manà duas ustarias a Tavau. Il davos ha Gruber manà l’ustaria en il paradis da skis d’uffants La Nars a Savognin.
Savognin Hotel Romana resta en mauns indigens
Il pèr Mirco e Bettina Gruber èn ils novs possessurs da l'hotel da tradiziun vis a vis da la scola primara a Savognin. Els surpiglian l’hotel da la famiglia Savoldelli, ch’ha construì l’hotel l’onn 1967.
Parter
RTR actualitad
Parter