Siglir tar il cuntegn

Header

audio
Visibilitad sin via: l'engaschi da Romano Plaz da Savognin
Or da Actualitad dals 02.11.2021.
abspielen. Laufzeit 3 minutas 59 Sekunden.
cuntegn

Savognin Il «nanin d’iert» avertescha da ristgs sin via

Cun la midada da l’ura ils 31 d’october èsi puspè pli stgir la saira. Il privel sin via daventa uschia puspè pli gronds. In che s’engascha per la segirtad è Romano Plaz. Dapi in incap en vischnanca s’engascha el per la segirtad sin via.

Romano Plaz (80) da Savognin sa regorda anc bain vi da l’atun dal 2019. Igl era ina saira cun leva plievgia, curt suenter las set e mesa. El era sin viadi cun ses auto ad ina prova cun ses chor. Igl era vi dal vegnir stgir e be per pauc fiss el siglì cun ses auto en in collega dal chor, perquai che quel n’era betg bain visibels pervi da sia vestgadira stgira.

Suenter quest incap è el sa decidì, da s’engaschar dapli per la segirtad. El sez guardia adina d’avair vestgadira clera, plinavant haja el la stad cura ch’i saja stgir adina si in chapi colurà e l’enviern ina chapitscha cotschna. In enconuschent haja ina giada ditg ad el ch’el saja il «nanin d’iert.» Questa nominaziun na fetschia betg mal ad el, il cuntrari saja il cas: El saja losch da quai ed uschia daventia la segirtad adina puspè in tema. Per el saja impurtant da sensibilisar la glieud da sa vestgir meglier la saira u da nizzegiar reflecturs u glischs, per daventar pli visibels. Losch è Romano Plaz plinavant sin in artitgel ch’è cumparì en la revista Salute, in magazin che s’engascha per la sanadad e la qualitad da viver. Là haja el pudì far attent quant impurtant che la visibilitad sin via saja.

Romano Plaz cun sia chapitscha cotschna.
Legenda: Per Romano Plaz èsi fitg impurtant da vegnir vesì sin via, perquai sa vestgescha el la saira e la notg adina sia chapitscha cotschna. RTR, Federico Belotti

Artitgels legids il pli savens

Scrollar a sanestra Scrollar a dretga