Savognin: In bus remplazza il «Snowliner»

A partir dals 22 da december fin ils 2 d'avrigl cursescha ad emprova in bus tranter la staziun da val da la sutgera a Savognin fin a Radons. La vischnanca da Surses finanziescha il bus che vegn manà d’ina firma indigena. Ils custs vegnan calculads cun 100’000 francs, tar entradas da 35’000 francs.

Plirs onns cursava in ratrac da Tigignas a Radons, a partir da quest enviern vegni ad esser in bus. Bild in Lightbox öffnen.

Legenda da maletgs: Plirs onns cursava in ratrac da Tigignas a Radons, a partir da quest enviern vegni ad esser in bus. RTR, Federico Belotti

Sco quai che Leo Thomann il president communal da Surses ha ditg, saja sa mussà in grond basegn per peduns da cuntanscher Radons, suenter che l'offerta dal «Snowliner» era vegnida abolida avant trais onns.

Il nov bus che cursescha tranter Savognin e Radons cursescha trais giadas la damaun e trais giadas il suentermezdi. El porscha plaz a 14 persunas. Creschids pajan 10 francs per in viadi, uffants 5 francs, cun la Ela Card datti ina reducziun da 50%. Da reservar il bus n'è betg necessari, cun excepziun da gruppas.

Il bus dovra vias rumidas

La ruta dal bus va sur la resgia veglia da Savognin e sur Parnoz e Rasliung. Il bus cursescha sin vias existentas che vegnan rumidas aposta per il bus. Ina cumissiun da lavinas decida mintgamai sch’il bus po cursar.

RR actualitad 08:00