Siglir tar il cuntegn

Header

audio
Surses: project La Nars – 4.5 miu CHF per nova patinera e plazza da tennis
Or da Actualitad dals 27.01.2022.
laschar ir. Durada: 3 minutas 43 Secundas.
cuntegn

Savognin Novas plazzas da sport van en votaziun

4,5 milliuns francs custa la nova plazza da sport per la stad e l’enviern a «La Nars». Sche quella po vegnir bajegiada, decida l’emprim la radunanza communala da Surses, ils 13 da mars vegn decidì a l’urna.

Il project cumpiglia trais plazzas da tennis per la stad, l’enviern vegn la plazza duvrada per in glatsch, che po vegnir duvrà per ir cun patins, giugar hockey, curling e tir da tschoccas. Gist sper las plazzas duessi dar gardarobas, indrizs sanitars ed ina ustaria. Quella duess remplazzar l’ustaria existenta tar il runal da La Nars. La suprastanza communala propona d’approvar la fatschenta.

Leo Thomann, il president communal da Surses ha ditg envers RTR, ch’il project saja da grond’impurtanza per ils indigens, sco era per ils turists. Cun radund 380'000 francs duessan las uniuns da la val sa participar vi dal project. Per quest intent datti ils 5 da favrer in di da sport cun ina cursa lunga da sponsurs. Tut las entradas da quest di duessan vegnir duvradas per la plazza da sport nova.

RTR actualitad 11:00

Artitgels legids il pli savens

Scrollar a sanestra Scrollar a dretga