Siglir tar il cuntegn

Header

cuntegn

Grischun Central Savognin po bajegiar abitaziuns per seniors

Il Center da Sanadad Savognin SA ha survegnì la lubientscha da bajegiar. Sco publitgà en il fegl uffizial pon vegnir bajegiadas duas chasas novas cun emprimas abitaziuns cun service.

L’atun 2015 aveva Raphael Zuber da Cuira gudagnà ina concurrenza d’architectura. A la concurrenza eran sa participads otg architects dal Grischun, da quels trais dal Surses.

audio
Mezdi: Midadas per project cun abitaziuns per seniors a Savognin
ord Actualitad dals 17.01.2017.
laschar ir. Durada: 2 minutas 13 Secundas.

Sco quai che Clemens Poltera, il president dal Center da Sanadad Savognin SA ha ditg, haja quai dà intginas midadas vid il project. Quel saja vegnì spustà per radund 60 meters en direcziun da Tinizong. Plinavant dettia be 18 abitaziuns enstagl da 30. Era la colliaziun directa en il spital cun in tunnel na vegnian betg relisada.

Ils custs dal project vegnan budgetads tranter nov e diesch milliuns francs. Il mez dal 2018 duessan las abitaziuns esser prontas. Enfin ussa hajan bun 15 persunas mussà interess, ha ditg Clemens Poltera. Ils emprims contracts d'affit duajan vegnir fatgs cura che las lavurs da construcziun hajn cumenzà.

RR actualitad 12:00

Artitgels legids il pli savens