Petra Uffer, la scolasta e coordinatura dals curs da rumantsch è cuntenta: «Per nossa regiun è il dumber da participants fitg cuntentaivel, el è in dals dumbers ferms dals davos onns». Sch’ins vesia quantas persunas che s’interesseschan per la lingua e cultura rumantscha alura saja quai motivaziun da cuntinuar era ils proxims onns cun ils curs da stad ch’i dat gia dapli che 30 onns.
Promover la lingua materna
Per l’emprima giada da la partida sco scolasta d’in curs è Sara Luisa Cadotsch, ch’ha gist finì la scol'auta da pedagogia e daventa scolasta primara da la segunda classa cun il nov onn da scola: «Mia motivaziun da dar qua curs da rumantsch è che jau vi promover mia lingua mamma». L’emna avant l’emprim di dal curs saja ella stada fitg gnervusa cun quai ch’ella n’haja anc mai dà in curs avant creschids, ma cun quai ch’ils 13 scolars en sia classa sajan ina gruppa fitg buna e motivada, saja tut stà pli simpel, ha ditg la giuvna scolasta da Savognin.
RR actualitad 07:00
