Grischun Central - Savognin sa prepara per il Donnschtig-Jass - Novitads

Grischun Central Savognin sa prepara per il Donnschtig-Jass

Perquai che la squadra da Savognin ha battì Mustér en la davosa emissiun dal Donnschtig-Jass da la televisiun SRF, po Savognin manar tras la proxima ediziun da jass. Las preparativas han gia cumenzà il glindesdi.

Autur: Federico Belotti

Il Punt Crap resta serrà enfin venderdi.

Qua vegn installada la tribuna nua ch'i vegn giugà a jass.

Las preparaziuns han cumenzà il glindesdi damaun.

Bler material è necessari per l'emissiun.

L’occurrenza ha lieu la gievgia saira sin la Plazza Grava dasperas il Punt Crap en il center da Savognin. Radund 2'000 visitadras e visitaders vegnan spetgads al lieu. En la televisiun miran enfin in mez milliun persunas il spectacul da jass. Sco quai che Karin Hersche, suprastanta da la vischnanca Surses ha ditg, hajan las lavurs da preparaziun gia cumenzà il mars. Ussa sajan ins fitg cuntent che grazia a la victoria dal davos Donnschtig-Jass, possia l’eveniment vegnir manà tras a Savognin. «Jau sun persvadida che quai è fitg in bun eveniment e buna reclama per Savognin, uschia ch’il num Savognin po vegnir purtà ora en l’entira Svizra», uschia la presidenta dal comité d'organisaziun.