Siglir tar il cuntegn

Header

audio
Saivs cunter selvaschinas a Savognin
Or da Actualitad dals 21.12.2022. Maletg: RTR
laschar ir. Durada: 3 minutas 44 Secundas.
cuntegn

Savognin Saivs electricas cunter tschiervs

Diversas possessuras e possessurs da chasas a Savognin han installà saivs electricas davant lur chasas. Els vulan uschia evitar donns da selvaschina. Il chantun beneventa talas saivs. I dat però era critica.

Ellas èn tranter 1,80 e 2,20 meters auts, fin trais fildaroms han durant la notg electric. Quai è ina metoda da sa proteger cunter selvaschina, ina metoda che sa derasa adina dapli. Remo Cadotsch ch’ha in affar che fa lavurs d’iert ha gia installà diversas saivs tar clientas e clients a Savognin. Sco quai ch’el di, protegian els bain cunter donns da selvaschina. Tgi che veglia sa defender era cunter donns da lieurs, a quels recumonda Cadotsch da far supplementarmain ina saiv da spizzads. Tar ierts pli pitschens u mo paucas plantas recumonda el vinavant da pachetar en ellas u da metter in giatter enturn.

Chantun n'ha nagut encunter las saivs 

Il guardiaselvaschina da Surses Armando Janett di, ch’el haja chapientscha che la glieud veglia sa defender cunter donns da selvaschina. Ils davos onns haja el gì diversas annunzias da gronds donns vi da chaglias e culturas entras tschiervs. Saivs electricas sajan da principi ina buna metoda da tegnair tschiervs or da l’iert. Sche las saivs n’hajan nagin electric, alura saja quai il privel che la selvaschina restia pendì vi dals fildaroms. Ina buna metoda per sa defender cunter donns saja però era da pachetar en las plantas. Quai stoppia mintgin decider sez, tge che saja la meglra varianta.

RTR actualitad 12:00

Artitgels legids il pli savens

Scrollar a sanestra Scrollar a dretga