Sco quai che Jörg Bühler, il manader da la scola Surses ha ditg envers RTR, hajan els sin incumbensa dal medi chantunal Martin Mani stuì controllar tar tut ils scolars e tar la magistraglia, sch’els han fatg ina vaccinaziun cunter il virustgel.
Cun quai che differents na sajan betg vaccinads ed igl haja gì era auters malsauns en scola, ins saja sa decidì da serrar la scola gia avant las vacanzas uffizialas da Nadal. Ultra da quai haja il medi chantunal ordinà, che scolaras e scolars senza vaccinaziun stoppian star a chasa. Tenor l’artitgel 35 da la lescha d’epidemias po il chantun ordinar ina tala mesira.
RR actualitad 17:00