Dirk Hany haja plaschair da pudair manar la bar a Savognin, sco el ha ditg envers RTR. Ils affars sajan marschads bain fin ussa. Cler ch’el sa legria sin l’enviern cura ch’i dettia anc dapli da far. Era sch’el lavuria per gronda part a Turitg en la «Bar am Wasser», saja el mintgatant era vid la bar a Savognin. El saja gugent a Savognin nua ch’el haja emprendì ad ir cun skis. A partir da la vegliadetgna da dus onns saja el ch’è creschì si en l’Africa dal Sid, ma stà regularmain en vacanzas a Cunter tar sia tatta Olga Scarpatetti barmiera.
Dirk Hany ha gudagnà duas giadas il Swiss Bar Award. Quai n'ha nagin'autra persuna dumagnà enfin oz. L'emprima giada ha el gudagnà il premi l'onn 2008 e la segunda giada il 2020.
La scena da bars svizra surdat mintg'onn ils Swiss Bar Awards. Quest onn vegn quel surdà per la 20avla giada ils 23 d'october.
Sco quai che Dirk Hany ch’ha fatg ina scolaziun en la hotellaria e gastronomia ha tradì, veglia el expander en la gastronomia dal Surses. I dettia in project che saja sin buna via. Proximamain possia el tradir dapli detagls.
-
Bild 1 von 2. In dals drinks da Dirk Hany. Bildquelle: Federico Belotti.
-
Bild 2 von 2. Dirk Hany en la Palaver Bar a Savognin. Bildquelle: Federico Belotti.