Siglir tar il cuntegn

Header

Uschia pudess quai en il futur vesair ora dasper la Veia Tgaplottas a Savognin.
Legenda: Uschia pudess quai en il futur vesair ora dasper la Veia Tgaplottas a Savognin. mad
cuntegn

Grischun Central Savognin: Terren da bajegiar che nagin vul

Avant dus onn ha la vischnanca da Savognin publitgà il plan da quartier Sulom. La vischnanca Surses è en possess da nov parcellas. Malgrà che la vischnanca ha gì blers interessents, n’ha fin oz nagin bajegià.

Il plan da quartier Sulom da Savognin.
Legenda: Il plan da quartier Sulom da Savognin - grafica dal 2014. mad

Sco quai ch’il president communal da Surses Leo Thomann di, haja quai dà differentas dumondas per il terren, cumprà n’haja fin oz dentant nagin il terren, quai malgrà che differents indigens han bajegià utrò il davos temp.

Ch’il terren saja memia char cun las taxas da colliaziun na crai il president communal betg. Intgins interessents hajan dentant fatg valair, ch’i dettia memia bleras prescripziuns e restricziuns en il plan da quartier. Tenor quel ston per exempel tut las chasas avair in parcadi cun ina plazza da volver, ed era la colur che la chasa po avair è prescritta.

Qua venda la vischnanca Surses nov parcellas.
Legenda: Qua venda la vischnanca Surses nov parcellas. RTR, Federico Belotti

Nagina prescha

Leo Thomann di che midadas en il plan da quartier sajan pussaivlas, ma betg previsas il mument. Impurtant saja da pudair offrir terren da bajegiar attractiv ad indigens, prescha cun la vendita dal terren na fetschia quai il mument betg, uschia Thomann.

RR actualitad 17:00

RTR/fb

Artitgels legì il pli savens

Nach links scrollen Nach rechts scrollen