Siglir tar il cuntegn

Header

audio
Corona en chasa da tgira, cas a Savognin e Trun
Or da Actualitad dals 30.09.2021.
laschar ir. Durada: 03:25 minutas.
cuntegn

Savognin/Trun Unda da corona malgrà vaccinaziun dubla

En las chasas d'attempads a Savognin ed a Trun èn vegnids registrads plirs cas da corona, malgrà che las persunas èn vaccinadas dus giadas. Quai han confermà ad RTR la manadra ed il manader da las chasas d'attempads.

A Trun sa tractia da diversas persunas ch’han survegnì il virus da corona, ha confermà Donat Nay, il manader da la Casa S. Martin. A Savognin ha schizunt in quart dals avdants survegnì il virus. Tenor Christine Demarmels, la directura dal Center da Sanadad SA sajan otg avdants s’infectadas cun il virus. En omaduas chasas da vegls èn las persunas infectadas betg stadas en privel, il decurs da la malsogna è miaivel. Sco ch'il virus è vegnì en las chasas na sa laschia betg eruir. A Savognin sco er a Trun valan pil mument mesiras pli strentgas da visitas externas.

La media chantunala n'è dentant betg preoccupada da quellas novas:

Nus avain adina puspè persunas che vegnan testadas positiv, ma sch’ins guarda exact ins vesa ch’ils sintoms èn miaivels cun in pau strucca, fevra e la tuss; grevs decurs èn fitg rars.
Autur: Marina Jamnicki Media chantunala dal Grischun
audio
Corona en chasa da tgira, reacziun da Dr. Jamnicki
02:44 min, Actualitad dals 30.09.2021.
laschar ir. Durada: 02:44 minutas.

RTR novitads 17:00

Artitgels legids il pli savens

Scrollar a sanestra Scrollar a dretga