Siglir tar il cuntegn
cuntegn

Grischun Central Savognin tschertga anc adina in plevon

Suenter ch’il vicari Philipp Isenegger ha desditg sia plazza la fin da zercladur da l’onn passà, ha il cumin-baselgia catolic-roman a Savognin nagin plevon stabel pli. Chattar in successur è tut auter che simpel, ha ditg il president Sepp Waldegg envers RTR.

Vischnanca da Savognin.
Legenda: Il mument datti messas be las dumengias e firads a Savognin. RTR, Federico Belotti

Malgrà diversas stentas na saja betg anc gartegià d’occupar la plazza dal plevon. In radi da speranza è dentant qua: «Nus avain gì contact cun il vicari general Fuchs avant curt, ed el ans ha tramess duas propostas da plevons da l’India ch’han studegià a Roma», uschia Waldegg. Ussa vul ins examinar il curriculum da la vita e magari envidar in dad els dus per sa preschentar. Il problem saja però, ch’els na discurrian anc betg tudestg ed era betg rumantsch.

Il mument fan a Savognin la messa da la dumengia plevons e paders da differents lieus, ed era il plevon da Salouf Sar Adam Pradella gidia ora per exempel tar sepulturas.

RR actualitad 17:00