A partir dal matg survegn Savognin turissem ina nova homepage. Sco quai che Orlando Bergamin da Grischun Vacanzas ha ditg. « Nus midain la homepage perquai che la pagina d’internet actuala n'è betg optimada per telefonins e computers da tablet. Uschia perda Savognin turissem radund in terz da clients pussibels», argumentescha Orlando Bergamin.
Focus sin famiglias
Plinavant vul Grischun Vacanzas en l’avegnir gudagnar dapli giasts en Svizra, ma era en Germania ed en l’Ollanda. Il focus da la reclama da Savognin turissem vegn mess sin las famiglias.
Perquai ha Grischun vacanzas gia laschà far novas fotografias da l’enviern, che sa focuseschan sin famiglias. Investiziuns en l’avegnir duain surtut promover products per famiglias. Sco quai che Tanja Amacher, la directura da Savognin Turissem ha ditg, veglian ins per exempel far in nov Vitaparcours a Savognin che ha exercizis ed istorgias spezial per uffants.
«Savognin – s’Wunderland»
Plinavant ha Grischun Vacanzas preschentà l’idea «Savognin – s’Wunderland». L’idea da la campagna che duai cuzzar plirs onns: In’autura professiunala scriva in’istorgia davart in fin duas temas da la regiun da vacanzas. Tut vegn registrà sco gieu auditiv, e fatg accessibel sin l’internet. L’istorgia na vegnia dentant betg raquintada a fin. Las famiglias vegnian intimadas da raquintar enavant l’istorgia. Tut vegnia publitgà sin l’internet. Cun questa campagna duai vegnir fatg gust sin la regiun da vacanzas.