A Savognin è in lavurer da guaud sa blessà grev tar in accident da lavur. Sco la polizia chantunala scriva era l’um da 32 onns, ensemen cun trais collegas da lavur, vidlonder da drizzar en ina crana a cabel mobila sin ina via da guaud datiers da Tussagn. Durant la lavur è la crana cupitgada vers il rieven da la vart sura. Tras quai è l’um vegnì serrà en tranter la crana e la via.
Ils auter lavurers han pudì auzar davent la crana cun in exchavatur ed han dà emprim agid a lur collega. Alura è il grevblessà vegnì sgulà cun la Rega en l'Ospital chantunal a Cuira.