Siglir tar il cuntegn

Header

audio
David Steier, il manader da la mazlaria Peduzzi a Savognin.
Or da Actualitad dals 26.10.2021.
laschar ir. Durada: 3 minutas 17 Secundas.
cuntegn

Savognin Viadi pli lung per la biestga da mazlaria Peduzzi

Enfin la fin da l’onn passà, ha la mazlaria Peduzzi a Savognin gì in’atgna chasa da maz. Pervi da memia grondas investiziuns en la renovaziun lascha la mazlaria mazzar dapi l’entschatta da quest onn a Flums. Ina soluziun che na cuntenta però betg dal tut.

Sco quai che David Steier, il manader da fatschenta da la mazlaria Peduzzi ha ditg, laschia el mazzar sia biestga a Flums en la chasa da maz d’in enconuschent. Cunquai ch’el cumpria ina gronda part da sia biestga a la fiera a Cazas saja il viadi supportabel. Pli simpel fissi tenor el però da pudair laschar mazzar la biestga a Savognin, sco pli baud. En l’anteriura chasa da maz amez Savognin vegn ussa però be pli elavurada la charn per la vendita.

David Steier chatta donn che las leschas sajan vegnidas uschè severas uschia ch’i saja strusch pussaivel da renovar la chasa da maz e da manar quella cun gudogn pervi da las gronda investiziuns. Tuttina spera el ch'i dettia en l’avegnir forsa puspè ina giada in nov project per ina nova chasa da maz, magari era cun sustegn da la puraglia e dal maun public.

Svilup da mazlarias en Grischun

Avrir la box Serrar la box

2011:

  • 55 mazlarias cun lubientscha da mazzar
  • 20'898 animals mazzads

2020:

  • 39 mazlarias cun lubientscha da mazzar
  • 23'929 animals mazzads

RTR actualitad 08:00

Artitgels legids il pli savens