Siglir tar il cuntegn

Header

cuntegn

Grischun Central Savognin: Voluntaris duain preparar pista

Las pendicularas da Savognin tschertgan voluntaris, quels duain preparar la pista da Tgeps sin il Piz Cartas. La finamira è da chattar 50 fin 100 persunas che gidan a spalar naiv sin la pista. Per questa pista n'ha Savognin nagin indriz da far naiv artifiziala.

Sco quai che las pendicularas scrivan en ina communicaziun, vegnian las lavurs fatgas gievgia e venderdi che vegn. Ils gidanters duain survegnir sco remuneraziun ina tschaina en l’ustaria da muntogna a Tigignas. Pli tard vulan las pendicularas als envidar ad in’ulteriura tschaina.

audio
Mezdi: Savognin vul voluntaris per far pista al Piz Cartas
ord Actualitad dals 21.12.2016.
laschar ir. Durada: 2 minutas 17 Secundas.

Realisar lur idea da preparar la pista dal Piz Cartas fin Tgeps saja mo pussaivel cun agid da voluntaris, ha ditg il directur administrativ da las Pendicularas Savognin Christian Prinz. Mo cun l'agen persunal na hajan els nagina schanza d'avrir la pista sin il Piz Cartas da Nadal. Quai saja memia bler lavur manuala.

RR actualitad 12:00

Artitgels legids il pli savens