Schah è il pli enconuschent gieu da tavla dal mund. Il gieu vala sco sport. Ins stima che passa in milliun Svizzers e Svizras enconuschan las reglas dal schah. Ma be stgars 6'000 giugaders èn organisads en la federaziun svizra. Ils megliers cumbattan dals 12 fin ils 20 da fanadur a Lai al campiunadi naziunal per il titel dal campiun svizzer.
audio
Saira: Schah - Sport per il tscharvè
ord Actualitad dals 17.07.2018.
laschar ir. Durada: 5 minutas 55 Secundas.
Passa 250 giugaders e giugadras da tut la Svizra èn vegnids, tranter els divers gronds maisters. Els tuts giogan en set categorias, il pli giuven ha 6 onns, ils pli vegls èn gia pensiunads.
Tranter ils participants èn er plirs Grischuns: En il turnier principal 1 è Dario Bischofberger da Trimmis, il pli ferm Grischun. El è actual il numer 10 dals juniors.
RR actualitad 17:00