Siglir tar il cuntegn

Header

Navigaziun

cuntegn

Grischun Central Sched: Dal fieuet a l'incendi da cultira

Pervi dad in fieuet sin in prà si sur Sched en Val Tumleastga ha piglià fieu la cultira sin 100x150 meters surfatscha – quai scriva la polizia chantunala en ina communicaziun.

Il glindesdi da Pasca ha in ina dunna (39) ed in um (35) fatg in fieuet si sur Sched sin in prà. Curt avant las 17:30 ha in vent fatg siglir il fieu sin l'erva setga. Il pèr ha anc empruvà da stizzar l'erva che ardeva – senza success.

Pir ils 35 pumpiers da la Tumleastga Dadora han puspè savì controllar il fieu ed evitar ch'el tschiffa er anc il guaud. La cultira saja arsa sin ina surfatscha da radund 100 sin 150 meters, scriva la polizia.

Per Sched en la Tumleastga Dadora sco er per grondas parts dal Grischun vala actualmain in privel d'incendis da guaud considerabel – vul dir stgalim 3 (sin la grafica marcà en oransch):

Carta dal privel dal fieu en Grischun.
Legenda: Per il Grischun dal Nord ed il Mesauc vala in privel d'incendis da guaud considerabel. www.gr.ch , il link avra en ina nova fanestra

RR novitads 12:00