Avant dus onns ha la vischnanca da Vaz ponderà, sch’ella vul serrar la scola da Zorten e laschar ir tut ils scolars a Lai a scola. Perquai che Lai ha gia classas grondas stuessan las classas a Lai vegnir manadas dubel, e quai na saja gnanc pussaivel perquai ch’igl haja memia pauc plaz a Lai. Uschia è la vischnanca da Vaz vegnì tar la conclusiun ch’i saja meglier da mantegnair la scola da Zorten. Actualmain han las sis classas primaras da Zorten 36 scolars. Quels vegnan instruids en trais classas (1+2 classa, 3+4 classa, 5+6 classa). A partir dal proxim onn da scola duai dar mo pli dus classas (1-3 classa, 4 – 6 classa).
Las lavurs da renovaziun duain cumenzar il zercladur e finir il fanadur, ed esser pronts sin il nov on da scola. Tranter auter datti nova mobiglia, novs palantschieus ed ils salvs vegnan adattads architectonicamain.
RR novitads 06:00