Grischun Central - Scola Savognin duai vegnir modernisada
La scola Grava a Savognin duai vegnir modernisada ed engrondida per ademplir las pretensiuns dal plan d’instrucziun 21. In preproject da la vischnanca stima ils custs a radund 6,8 milliuns francs. Cura che la fatschenta duai ir en votaziun n’è anc betg cler.
Legenda:
Da maun sanester pudess la scola survegnir dapli spazi.
Vischnanca Surses
2 / 5
Legenda:
Uschia sa preschenta la scola primara e la scolina da Savognin il mument.
RTR, Federico Belotti
3 / 5
Legenda:
La scola Grava da maun dretg duai vegnir modernisada ed engrondida.
RTR, Federico Belotti
4 / 5
Legenda:
Toni Sonder, il schef dal departament da construcziun preschenta las ideas da la vischnanca Surses.
RTR, Federico Belotti
5 / 5
Legenda:
Skizza dal preproject.
Vischnanca Surses
Sco quai che Toni Sonder, il schef dal departament da construcziun da la vischnanca Surses ha ditg envers RTR, duai en l’avegnir l’entira scola primara dal Surses avair suttetg en la scola Grava. Il mument è la tschintg- e sisavla classa anc en la scola Barnagn a Savognin.
Midadas pudessi era dar en scolina. Uschia ponderescha la vischnanca da construir in bajetg nov dasper la scola Grava. L’idea da la vischnanca da Surses è dad entschaiver cun las lavurs da construcziun en radund in onn, uschia che la scola Grava renovada fiss pronta per il nov onn da scola 2021/22.
