La scola primara e la scolina da Seglias en Tumleastga han gudagnà l’emprim premi d’ina concurrenza da la fatschenta turitgaisa Wildbiene + Partner che s’engascha per ils avieuls e la biodiversitad. A partir dad oz vegn plantà e mess ils sems.
Paradis biodivers: Acziun da plantar cun 100 scolarAs
05:18 min, ord Actualitad dals 29.09.2020.
laschar ir. Durada: 5 minutas 18 Secundas.
D’ina uniun da pumicultura locala vegnan furnidas las plantas giuvnas, ils tals ils uffants pon gidar a plantar. I vegn dentant era semnà. Sco quai che Yannick Schauwecker da Wildbiene + Partner ha ditg, saja ussa il dretg mument per far questas lavurs. Pumra ch'è resistenta al fraid d’enviern possia vers l’atun crescher bain en il terren.
audio
Paradis biodivers: Il paradis en lavur
03:45 min, ord Actualitad dals 29.09.2020.
laschar ir. Durada: 3 minutas 45 Secundas.
Paradis per animals, amfibis ed avieuls
Per l’emprima giada bajegia Wildbiene + Partner in paradis da biodiversitad, ch’è fitg bain adattà per avieuls selvadis che fan lur gnieu en il terren. Ils responsabels quintan cun al main 100 sorts avieuls selvadis, che survegnan qui in abitadi. L’areal biodivers cun in lajet per amfibis e rustgs davant la scola da Seglias ha ina surfatscha da 6'000 meters quadrats. Il preventiv per quest project munta a 200'000 francs.
1 / 9
Legenda:
Ils scolars la damaun avant la lavur.
RTR, Federico Belotti
2 / 9
Legenda:
Quest biotop ha ina survatscha da 250 m2.
RTR, Federico Belotti
3 / 9
Legenda:
L'engaschi dals uffants è grond.
RTR, Federico Belotti
4 / 9
Legenda:
Era la televisiun è vegnida per far in'intervista.
RTR, Federico Belotti
5 / 9
Legenda:
Questa stad han chavaterras realisà quest paradis d'avieuls ed auters animals ed amfibis.
RTR, Federico Belotti
6 / 9
Legenda:
Era ina pitschna decoraziun ha il nov paradies d'avieuls survegnì.
RTR, Federico Belotti
7 / 9
Legenda:
Or da la scola han'ins ina bella vista ora sin il nov paradis d'avieuls.
RTR, Federico Belotti
8 / 9
Legenda:
Ils uffants en acziun, instruids dals dus umens da Wildbiene + Partner.
RTR, Federico Belotti
9 / 9
Legenda:
Adatg: Betg metter peschs or da l'aquarium en il lajet.
RTR, Federico Belotti
