Siglir tar il cuntegn

Header

video
Parc per avieuls selvadis a Seglias: Ils uffants da scola han plantà arbers
Or da Telesguard dals 01.10.2020.
laschar ir
cuntegn

Seglias Scolars plantan lur paradis biodivers

La scola primara e la scolina da Seglias en Tumleastga han gudagnà l’emprim premi d’ina concurrenza da la fatschenta turitgaisa Wildbiene + Partner che s’engascha per ils avieuls e la biodiversitad. A partir dad oz vegn plantà e mess ils sems.

D’ina uniun da pumicultura locala vegnan furnidas las plantas giuvnas, ils tals ils uffants pon gidar a plantar. I vegn dentant era semnà. Sco quai che Yannick Schauwecker da Wildbiene + Partner ha ditg, saja ussa il dretg mument per far questas lavurs. Pumra ch'è resistenta al fraid d’enviern possia vers l’atun crescher bain en il terren.

Paradis per animals, amfibis ed avieuls

Per l’emprima giada bajegia Wildbiene + Partner in paradis da biodiversitad, ch’è fitg bain adattà per avieuls selvadis che fan lur gnieu en il terren. Ils responsabels quintan cun al main 100 sorts avieuls selvadis, che survegnan qui in abitadi. L’areal biodivers cun in lajet per amfibis e rustgs davant la scola da Seglias ha ina surfatscha da 6'000 meters quadrats. Il preventiv per quest project munta a 200'000 francs.

RTR actualitad 11:00

Artitgels legids il pli savens

Scrollar a sanestra Scrollar a dretga