Senda enferrada Piz Mitgel resta serrada

La senda enferrada dal Piz Mitgel a Savognin resta serrada. Sco quai ch’il guid da muntogna Geni Ballat ha ditg, haja el constatà blera crudada da crappa, uschia che la senda verticala sco era la senda diagonala restan serradas.

Omaduas sendas enferradas per ir sin il Piz Mitgel èn uss serradas. Bild in Lightbox öffnen.

Legenda da maletgs: Omaduas sendas enferradas per ir sin il Piz Mitgel èn uss serradas. charta swisstopo, grafica RTR

Sco quai che Geni Ballat ha ditg envers RTR saja la schanza pitschna da puspè pudair avrir ils proxims onns la senda enferrada. Il ristg saja memia grond ch’alpinists vegnian mess en privel. Ins saja il mument vi da tschertgar in lieu per in’autra senda enferrada en il Surses. Ideas per in nov lieu sajan gia avant maun, concret na saja però anc nagut.

Extract da la carta da la confederaziun. Avrir maletg en lightbox.

Legenda da maletgs: Extract da la charta da la Confederaziun. map.geo.admin.ch

Dolomit - in crap fragil

Il Piz Mitgel consista or dal crap dolomit, in crap che saja betg uschè stabil, uschia Ballat. Bain hajan ins savì quai gia avant dudesch onns cura che la senda enferrada è vegnida construida, ils davos dus fin trais onns haja la crudada da crappa dentant piglià tiers marcantamain, uschia ch’i saja ussa memia privlus dad ir sin la senda enferrada.

RR actualitad 07:00