La situaziun per ils camiunists, specialmain per ils camiunists che transportan la rauba tras tut l'Europa è ina gronda sfida. L'associaziun routiers suisse ha cuntanschì che singulas ustarias porschan almain la saira la pussaivladad d'ina tschaina chauda.
I saja in'acziun da goodwill dals ustiers è David Piras, il secretari general conscient. «Per in ustier èsi pli simpel da dumandar lavur curta», ha el ditg envers RTR. En Grischun han per exempel ils camiunists a Bivio la pussaivladad da mangiar almain la saira ina giada en dis chaud. Sur la via dal Güglia è dentant pauc traffic internaziunal ed uschia na vegn la purschida betg nizzegiada savens.
Per ils ustiers, uschia Piras, saja dentant la motivaziun dad er esser qua en la crisa per lur clientella gronda.