La sonda è in motociclist collidà tranter Rona e Casti cun in bus. L'um da 18 onns è vegnì blessà mortalmain tar l'accident. Dumengia suentermezdi è el mort en l'Ospital chantunal grischun, scriva la Polizia chantunala en ina communicaziun a las medias.
Legenda:
Polizia chantunala
L'accident è schabegià datiers da Bovas. Il ciclist è stà da via da Rona en direcziun Casti. El è collidà frontalmain cun in bus. Forzas d'agid han tgirà l'um a moda urgenta ed in helicopter da la Rega ha purtà el en l'ospital.
audio
Per tadlar: las novitads da las 09:00
ord RTR Audio dals 16.04.2024.
laschar ir. Durada: 2 minutas 47 Secundas.