-
Bild 1 von 10. L'autostrada A13 cun vista sin la vischnanca da Spleia. Bildquelle: RTR, Federico Belotti.
-
Bild 2 von 10. Tenor quest plan dal chantun fissi pussaivel da manar l'autostrada sut terra. Bildquelle: TBA.GR.
-
Bild 3 von 10. Christian Mengelt dal comité d'acziun che vul l'autostrada sut terra è optimistic, ch'i dat ina meglra soluziun per Spleia per l'avegnir. Bildquelle: RTR, Federico Belotti.
-
Bild 4 von 10. Il president communal da Valragn Christian Simmen è avert per diversas variantas per l'avegnir da la A13. Bildquelle: RTR, Federico Belotti.
-
Bild 5 von 10. La via dal Pass dal Spleia passa sut l'autostrada e va en direcziun dal Volg. Bildquelle: RTR, Federico Belotti.
-
Bild 6 von 10. La lingia cotschna mussa l’access actual davent da la A13 en direcziun dal Pass dal Spleia. Bildquelle: mad.
-
Bild 7 von 10. Il zercladur 2019 hai dà inundaziuns en il conturn da la A13. Bildquelle: mad.
-
Bild 8 von 10. Ils comité d'acziun avess gugent sch’il traffic che vegn giu dal Pass dal Spleia na passass betg pli en la zona da cumpra. Bildquelle: mad.
-
Bild 9 von 10. Il plan dal 1962, il 1967 è l'autostrada A13 vegnida averta cun il tunnel dal San Bernardino. Bildquelle: mad.
-
Bild 10 von 10. Cunter quests access cun sis punts ha Christian Mengelt fatg recurs. Bildquelle: mad.
L’Uffizi federal da vias ASTRA planisescha da sanar radund 500 meters da l’autostrada che passa tras Spleia. Cunter quest project ha Christian Mengelt dal comité d’iniziativa Rheinwald fatg recurs.
Betg impussibel da realisar
L’Uffizi da construcziun bassa dal Grischun ha fatg in studi che demussa, ch’i fiss en general pussaivel da sbassar l’autostrada e da manar quella da nov sut terra. Era la passascha neuralgica tar il Volg e la chascharia saja schliabla, per distgargiar la zona da cumpra.
Passascha privlusa
Actualmain passa l’entir traffic tras Spleia tras la zona da cumpra, in trottuar na datti betg. La vischnanca da Valragn ha elavurà in concept da traffic cun tschintg variantas. Quellas piglian era resguard sin il Hüscherabach ch’ha laschà enavos gronds donns il 2019 pervi d’aua gronda.
Anc quest enviern duain las variantas vegnir preschentadas a las votantas e votants. Quels duain era pudair far ina decisiun da princip, co agir vinavant. In project da metter sut terra l’autostrada fiss in project a lunga vista, scriva la vischnanca sin sia pagina d’internet. La realisaziun d’in tal project saja grev, cun quai ch’i dettia en Svizra blers giavischs per sviaments e tunnels. Da realisar in tunnel per l’A13 a Spleia cuzzass franc 25 fin 40 onns, quinta la vischnanca da Valragn.
Astra vul sanar la A13
Sin dumonda da RTR ha l'Uffizi federal da vias ditg, ch'els veglian en mintga cas realisar lur project da sanaziun a Spleia. Quai uschè spert, ch'il recurs saja giud maisa. Lura veglian ins subit planisar e surdar las lavurs. En tut veglia l'ASTRA investir radund 80 milliuns francs, quai che cumpiglia er paraids da protecziun cunter la canera.