Siglir tar il cuntegn
cuntegn

Grischun Central Spleia - «IL» lieu per chauns da schlitta

A Spleia han la fin d’emna cumbattì 105 participantas e participants da l’entir’Europa per il cup grischun en pliras disciplinas. L’occurrenza è stada in success cumplain, dian ils organisaturs.

Erich Camastral da Pratval è partì en la categoria Pulka.
Legenda: Erich Camastral da Pratval è partì en la categoria Pulka. RTR, F. Belotti

Denise Dillier, l’organisatura da Viamala Turissem tira ina bilantscha positiva:

Il dretg mument è vegnida la naiv, ed era sche nus avain stuì spustar las cursas dal schaner sin il favrer, avain nus gì dapli annunzias che plazs da participants per las cursas cun chauns da schlitta.
Autur: Denise Dillierorganisatura Viamala Turissem

Suenter San Bernardino è Spleia il segund lieu, nua ch’igl èn stadas quest enviern cursas cun chauns da schlieusa en il Grischun.

Las schlittas cun dus e quatter chauns han gì da currer otg kilometers, e quellas cun sis ni otg chauns 14 kilometers. Las cursas da chauns da schlitta a Spleia han ina lunga tradiziun, ils onns setanta hai dà las emprimas cursas.

Legenda: Guardar il video Impressiuns da Spleia. Durada 00:33 minutas.
Or da RTR dals 13.02.2016.
Legenda: Guardar il video Hermann Wittmann na dovra nagina naiv per ses chauns da schlitta. Durada 03:09 minutas.
Or da RTR dals 13.02.2016.