La regenza ha acceptà la dumonda d'approvaziun da la concessiun e dal project per renovar l'ovra electrica Hüscherabach e per construir la nova ovra electrica Stutzbach. Ultra da quai ha ella approvà la concessiun dal dretg da las auas per utilisar la forza idraulica dal Hüscherabach e dal Stutzbach che la vischnanca da Spleia aveva dà a la Wasserkraftwerk Hüscherabach SA (en fundaziun).
La Wasserkraftwerk Hüscherabach SA (en fundaziun) ha l'intenziun da trair a niz la forza idraulica dal Hüscherabach e dal Stutzbach per producir electricitad. En l'ovra electrica Hüscherabach èsi previs da producir en media 6,1 uras da gigawatt per onn ed en l'ovra electrica Stutzbach en media 4,05 uras da gigawatt per onn.
RR novitads 12:00