Siglir tar il cuntegn

Grischun Central Spleia Tambo SA surmunta crisa finanziala

La radunanza generala ha approvà oz a Spleia tut las tractandas.

Il chapital da las aczias existentas da 2.6 milliuns francs vegn svalità per 90% sin 260’000 francs. Plinavant è vegnì approvà in augment dal chapital d’aczias da 2.5 milliuns. Da quels èn 800’000 francs gia segirads, quels derivan da las 12 vischnancas dal Valragn e da la Val Schons. Per il president dal cussegl d’administraziun Franco Quinter è tut ì tenor plan a la radunanza dals acziunaris.

Cun quai che la sanaziun da l’interpresa è vegnida approvada dals acziunaris, desistan era las bancas d'ina gronda part da lur daners. Tut en tut han las pendidularas da Spleia anc debits dad 1.9 milliuns francs – avant la sanaziun eran quai passa sis milliuns.

RR novitads 16:00