Siglir tar il cuntegn

Header

audio
Club d'agility Viamala – Dapli ch'in club da chauns
Or da Actualitad dals 02.10.2021.
laschar ir. Durada: 03:07 minutas.
cuntegn

Sport cun animals «Agility Viamala» – Dapli ch'in club da chauns

Cumenzà ha tut avant 15 onns cun set giuvenils che vulevan far concurrenzas da sport cun lur chauns. Regula Battaglia ha nizzegià l'interess e fundà il club «Agility Viamala». Ussa è il club creschì, ha success sportiv ed ina vita d'uniun fitg activa.

Regula Battaglia è fundatura dal club, bun'olma, motor e la «scheffa» betg mo da ses chaun. Avant 15 onns ha ella fundà il club «Agility Viamala» – in'uniun che s'engascha per il sport da chauns. Il punct da partenza sajan stads set giuvenils motivads che vulevan far concurrenzas cun lur chauns. Ella haja nizzegià la chaschun e fundà il club. Ussa dumbra il club 80 commembers e 60 sajan activs. E mo uschia saja ina vita d'uniun activa insumma pussaivla, tradescha Regula Battaglia ch'è la bun'olma dal club.

Legenda: La plazza da trenament sper la staziun da Rodels. RTR, Tona Poltera

Sco manadra tecnica ha Regula Battaglia la survista da quai che curra e passa. Ella saja eba ina persuna adina plain ideas ed uschia saja la vita d'uniun er fitg dinamica. Ma senza tut ils commembers engaschads na saja il club er betg dapli ch'in club sco tut ils auters era.

Integrar giuventetgna ed organisar concurrenzas

E per garantir ina cuntinuaziun è la manadra tecnica gia ussa vi d'integrar persunas giuvnas en suprastanza e sco manaders ni manadras da gruppa. «Agility Viamala» è, quai mussa in sguard sin la homepage, in club cun success e fitg activ. Ussa dumengia organiseschan els per exempel il Campiunadi svizzer da giuventetgna en la disciplina Rule.

RTR actualitad 07:00

Artitgels legids il pli savens

Scrollar a sanestra Scrollar a dretga