Siglir tar il cuntegn

Grischun Central Stallas d'aclas en decadenza

En la zona per bajetgs pregnants pon stallas dad aclas ussa vegnir renovadas

Las aclas cun las stallas tutgan tar il maletg da nossa cuntrada alpina. Adina pli savens dentant van las stallas da las aclas en decadenza, perquai ch’ellas na dastgan betg vegnir renovadas. En la zona per bajetgs pregnants per la cuntrada dastgan las stallas vegnir renovadas. Talas zonas enconuschan dentant be paucas vischnancas en il Grischun. Casti Vargistagn en Val Schons ha realisà in project da pilot. Il possessur d’ina da quellas stallas en decadenzas Rolf Cantieni, ha nizzegià la schanza e renovà sia acla.

Ina zona cun bleras restricziuns

«Bajetgs en la zona per bajetgs pregnants per la cuntrada na dastgan betg vegnir midads grond dadora» di Rolf Cantieni. Naginas plattas da crap per exempel avant acla, nagin grill. Tuttina è el fitg cuntent cun il resultat. Enstagl d’avair ina stalla en decadenza haja el ussa in acla moderna per abitar che na disturba betg il maletg cumplet da las aclas da Dumangs.